خديجة من بعد ما غبرات عليها المرأة لي كانت ناوية تزوجها لرشيد .. فكرات وقالت مع راسها .. مافيها خير ربي مبغاش .. وبيما أنها مشات بلا متبرر علاش فهذا كيدل على أن الأمر مميسرش .. ونسات فكرة أنها تزوج راجلها ..
ورغم ذلك بقا عندها هاجس واحد مدوخ ليها راسها .. خاصنا وليد ولا بنيتة .. أنا ورشيد خاص يكونو عندنا وليدات نفرحو بيهم ويعمروا علينا لوقت .. وهنا صارحات رشيد برغبتها فأنهم يتبناو طفل .. رشيد كان أسعد انسان بهاد الإقتراح ..
وبالفعل .. ربات خديجة ورشيد طفلة ودخلوها دارهم وعطاوها الحنان لي يكفيها عمرها كلو .. قراوها فأحسن مدارس ولبسوها أحسن لباس وفرشو ليها الأرض بجميع طلباتها ورغباتها .. وفروا ليها الحب والعطف والثقة .. عيشوها أميرة في مملكة ترأسها ملكة حنونة وملك نبيل ..
مرت سنوات والطغلة تكبر في كنف خديجة ورشيد .. نساو كل همومهم وهوما كيشوفوها كتكبر وسطهم .. وكتعلم تنطق وكتعلم تقرا وتكتب .. سخروا حياتهم ليها ولأنها تكون أسعد فتاة ..
يوم من الأيام بينما خديجة غادة فشي سوق .. حتى لمحات طرف ديال واحد السيدة فايت ليها شافتها .. ركزات مزيان .. فإذا بيها سيدة لي كانت ناوية تزوجها لراجلها .. مشات كتجري نحوها ووقفات أمامها .. المرأة تفاجأت وبقات مصدومة حتى نسات انها تسلم ..
سولتها خديجة .. علاش غبرتي من مور مدخلتك داري واتفقنا على كلشي وكنتي راضية وموافقة علاش هربتي بدون متعطيتي مبرر واحد .. شافت فيها المرأة حتى عيات وقالت ليها ..
بكل صراحة .. أنا خفت .. لأنه نهار لي خرجت من عندك من دار لقيت راجلك واقف كيسايني قدام راس درب .. وقالي أنه ماباغيش يتزوجني لا أنا لا غيري وأنه عندو مرا واحدة ووحيدة لي هي نتي وأنه وافق يشوفني غير باش يدير ليك خاطرك .. وأنني ايلا عاودت درت بيك ولا قربت ليكم غادي يتفاهم معايا .. وأنا بكل صراحة خفت ومزعمتش نعاود نبات ليك وقررت نبعد على هادشي .
بكل صراحة .. أنا خفت .. لأنه نهار لي خرجت من عندك من دار لقيت راجلك واقف كيسايني قدام راس درب .. وقالي أنه ماباغيش يتزوجني لا أنا لا غيري وأنه عندو مرا واحدة ووحيدة لي هي نتي وأنه وافق يشوفني غير باش يدير ليك خاطرك .. وأنني ايلا عاودت درت بيك ولا قربت ليكم غادي يتفاهم معايا .. وأنا بكل صراحة خفت ومزعمتش نعاود نبات ليك وقررت نبعد على هادشي .
خديجة بالقدر لي كانت مصدومة كانت فرحانة .. عرفات أنها مع راجل ما يبدلهاش بالدنيا كلها .. عرفات أن الرجل لي يصبر ويتساناها حتى طلق ويصبر عليها وهي لي مكتولدش ويرفض يتزوج لأنه مايقدرش يشوف راسو مع غيرها .. ويفني حياتو معاها .. هو هدية من عند الله وأنها أوفر حظا وأكثر النساء سعادة ..
كبرات بنت خديجة ورشيد .. وتزوجات وفرحوا بيها وهوما كيشوفو كتلة اللحم الصغيرة لي جابوها لدارهم واحد نهار ولات عروسة جميلة وولدات .. وكتاب لخديجة ورشيد أنهم يربيو حفايدهم تماما كيفما رباو بنتهم .. وأن الله يعوضهم مكان الطفل الواحد .. ثلاتة .
SOCIALIZE IT →